12.02.2024, 12:30
Оқылды: 42

Құсбегіліктен ел чемпионатының жеңімпаздары анықталды

Шығыс Қазақстан облысына қарасты Ұлан ауданы Бозанбай ауылында өтіп жатқан 2024 жылға арналған құсбегіліктен ересектер арасындағы XVII ҚР чемпионатында жеңімпаздар белгілі болды, деп хабарлайды BAQ.KZ.

f821ac89-458d-4e2e-ab12-a245f7666413

Фото: Ұлттық спорт қауымдастығынан

Бүркітшілер арасында 1-орынды Атырау облысының бүркітшісі Абдулкаримұлы Сармат жеңіп алса, 2- орынды Алматы облысының бүркітшісі Сейітжан Аян иеленді.

Үздік үштікті тағы бір атыраулық бүркітші Арман Кушкаров қанжығасына байлады.

Қаршыға сайысында бас жүлдені Түркістан облысының құсбегісі Базарбаев Ибрагим, 2-3- орындарды сәйкесінше Алматы облысының құсбегілері Мұрат Кодеков пен Сағыныш Байетбай қанжығасына байлады.

Ителгі сайысынан Қарағанды облысының құсбегісі Таңат Оспанқұлов бас жүлде алды.

2-орынға павлодарлық Ермек Иманзайып ие болды.

Ал 3-орынды Түркістан облысының құсбегісі Дәурен Аршабай мен қарағандыдық Темірәлі Төлегенұлы өзара бөлісті.

Ұлттық спорттың бұл түрі алдағы қыркүйекте Астанада өтетін 5-ші Дүниежүзілік көшпенділер ойынының спорт бағдарламасына енген.

Жалпы сайысқа еліміздің 12 облысынан 59 бүркіт, 14 қаршыға, 21 ителгі әкелінген.

Чемпионатқа еліміздің 10 облысынан және 2 қаладан 100-ге жуық құсбегі қатысты. Тіркеуден 61 бүркіт, 21 қаршыға, 14 ителгі өтті.

Жеңімпаздар арнайы кубок, диплом, медальдармен және түрлі қаржылай сыйлықтармен марапатталды.

Узнайте первым о важных новостях Западного Казахстана на нашей странице
в Instagram и нашем Telegram - канале