Марқакөл қорығындағы балықтардың уылдырық шашу кезінде өзенге көтерілген майқан балықтар көбіне жыртқыш аңдардың жеміне айналады. Осындай сәттің бірі видеоға түсіп қалды, деп хабарлайды Zakon.kz.
Қоңыр аюдың балықты аулап, жеп қойған сәті Қарағайлы бұлақ ауылындағы Топольник өзенінің учаскесінде инспекторлар орнатқан камераға түсіп қалды. Қоңыр аю балықты ұстап алып, сол жерде-ақ жеп қойды. Аю азықтанып болған соң да балықтан біраз қалдық қалды. Қалдық қарғалар мен сауысқандарға бұйырды. Бірақ бұл құстардың осы маңға келіп, дыбыс шығарғаны жыртқыш құс кезқұйрықтың келуіне себеп болды, – делінген Марқакөл қорығының Instagram-дағы парақшасында.
