Кәсіпкерлерге мобильді аударымдарды реттейтін түзетулер қабылданғаннан кейін банк қосымшаларында жаңа функция пайда болуы керек. Бұл туралы қаржы вице-министрі Марат Сұлтанғазиев мәлімдеді.
Мәжіліс аясында журналистер "кәсіпкерлер тауарлар мен қызметтер үшін ақша аударымын қабылдағаны қалай тексерілетінін" сұрады.
"Бұл жерде азаматтық қоғамдық бақылау жұмыс істеуі керек. Тауар немесе қызмет үшін төлеген кезде төлем белгісін қалдыру керек. Қазір мобильді қосымшаны пайдаланудың бір ғана жолы бар - "аударма". "Төлем" функциясы пайда болуы керек. Аударымдар туыстар арасында, ал төлемдер тауарлар, жұмыс және қызметтер үшін жасалады. Қолма-қол ақшамен, карточкамен төлегендей", - деп түсіндірді Сұлтанғазиев.
Оның айтуынша, бұл ретте жеке тұлғалар арасындағы мобильді аудармалар қызметі өзгермейді. Ол мобильді төлемдерге көшу үшін қосымша ештеңе талап етілмейтнін айтты.
"Бүгінде мобильді аударымдар кеңінен қолданылып жатыр. Қазір мобильді төлемдерді пайдалануға мүмкіндік береміз. Бұл бизнеске қосымша жүктеме емес, салық мөлшерлемесі, төлем мерзімі, есеп беру тәртібі өзгеріссіз қалады", - деп түйіндеді Сұлтанғазиев.
Мәжіліс бірінші оқылымда мақұлдаған заң жобасына Қазақстандағы мобильді аударымдарды реттеу туралы ереже енгізілген. Заңнама "мобильді төлемдер" түсінігін нақтылайды және уәкілетті орган мен екінші деңгейдегі банктер арасындағы аударымдарға қатысты шаруашылық жүргізуші субъекті мен жеке тұлғалар арасындағы операциялар бойынша ақпарат алмасу өкілеттігін кеңейтеді.
2021 жылдың сегіз айында қазақстандықтар банктердің мобильді қосымшалары арқылы 43,2 триллион теңге аударған.
Айта кетейік, бұған дейін Парламент Мәжілісінде жеке кәсіпкерлердің мобильді аударымдарын реттеу мәселесі талқыланып жатқаны хабарланған болатын.
Дереккөз: tengrinews.kz
