Нұр-Сұлтанда коронавирус жұқтырғандар саны артты. Қаңтардың басынан бері елордада 83 067 жағдай тіркелді. Бұл туралы елорданың бас мемлекеттік санитария дәрігері Сархат Бейсенова мәлімдеді, - деп хабарлайды Tengrinews.kz тілшісі.
Қаланың бас санитария дәрігері елордадағы эпидемиологиялық жағдай әлі де шиеленісіп тұрғанын және қала "қызыл" аймақта екенін айтты.
"Қалада омикрон анықталған сәттен бастап, яғни қаңтардың басынан 7 ақпанға дейін барлығы 83 067 жағдай тіркелді. Бұл - пандемия кезіндегі жоғары айлық көрсеткіш. Бұл ретте науқастарды стационарларға жатқызу айтарлықтай қалыпты болды. Ең алдымен, вакцина салдырған тұрғындар мен ауруға шалдыққандарға, яғни иммунитеті бар адамдар көп болуы байланысты. Қазір олар бұдан оңай өтіп жатыр", - деді Сархат Бейсенова.
Елорданың санитарлық-эпидемиологиялық бақылау департаменті өкілі бетперде режимін қатаң сақтау керек екенін айтты.
