Бүгін 1 маусым балалар күніне орай барлық мектептерде соңғы қоңырау салтанатты түрде соғылды. Орал қаласының әкімі Миржан Сатқанов №41 мектеп-лицейінде өткен салтанатты жиынға қатысты. Биылғы оқу жылында осы мектепті 52 түлек бітіргелі тұр. Қазір олар ҰБТ тапсырып, біліктіліктерін сынауда.
Салтанатты жиында сөз алған қала әкімі Миржан Сатқанов түлектерді биылғы оқу жылын сәтті аяқтауымен құттықтады.
-Биылғы оқу жылын қала мектептері өте жақсы деңгейде аяқтап жатыр. Ол үшін барлық ұстаздар қауымына алғыс білдіремін. Ал түлектерді мектепті сәтті аяқтауларыңызбен құттықтаймын. Бүгін 2314 бала мектеп бітіреді. Сіздер өздеріңіз білім алған алтын ұя мектеппен қоштасасыздар. Мен де ата-анамын, әкемін. Өз қызыма не тілесем, барлық түлекке дәл сондай ыстық ықылас пен жақсы тілек қана тілеймін. Әрдайым жақсы жетістікке жете беріңіздер деді қала әкімі Миржан Сатқанов.
Бүгінгі жиынға мектеп бітіруші түлектердің ата-аналары мен туыстары да жиналған.
-№41 мектеп-лицейі жаратылыстану-математика бағытында білім береді. Биылғы оқу жылын 544 бала аяқтап жатыр, оның ішінде 52 бала мектеп бітіреді. Оның ішінде үшеуі «Алтын белгі» төсбелгісіне үміткер, төртеуі «Үздік аттестатқа» үміткер деп атап өтті мектеп директорының тәрбие ісі жөніндегі орынбасары Гүлдана Иманиязова.
Салтанатты жиын соңында мектеп өмірінде белсенді болған мектеп бітірушілерді алғыс хаттармен марапаттады.
Жанат Көшкінбай,
zhaikpress.kz
10:1514.09.2023
«Күнделік» жүйесіндегі 4 миллион оқушының жеке мәліметі тарап кеткен
15:0011.09.2023
Қазақстан мұсылмандары діни басқармасы мектепте орамал тағу мәселесіне қатысты мәлімдеме жасады
10:4526.01.2023
«Зейінін шоғырландыру», «азаматтылығын қалыптастыру» және басқалары туралы...
9:295.01.2023
Барыс жылы бағындырған межелер
14.09.2023, 10:15
11.09.2023, 15:00
5.01.2023, 9:29
