24.08.2022, 17:45
Оқылды: 161

Оралда апатты және тозығы жеткен 28 үй бұзылып, 10 көппәтерлі тұрғын үй салынуда

Орал қаласында апатты және тозығы жеткен 28 ескі үй бұзылып, 10 көппәтерлі жаңа тұрғын үй салынуда. Бұл реновация бағдарламасы арқылы жүзеге асуда, деп хабарлайды Орал қаласы әкімдігінің баспасөз қызметі.

47387841-31d9-44e9-baf0-6ee71549509b

Аталмыш бағдарламаның арқасында алдағы уақытта 145 оралдық отбасы жаңа пәтерлеріне көшеді.

Қазіргі таңда шаһардағы ескі тұрғын үй қоры жалпы тұрғын үй қорының 30%-ын құрайды. Орал қаласы бойынша 353 ескі және 52 апатты үй бар (398 пәтер).

Қала әкімдігінің баспасөз қызметінің мәліметінше, бағдарламада шаһардың әр ауданында ескі үйлерді бұзып, жаңа үйлерді салу қарастырылған.

Реновация бағдарламасына қатысу үшін тұрғындарының 100% келісімі қажет. Ол құрылысшылар үшін де, тұрғындар үшін де тиімді.

Бағдарламаның нәтижелі жүзеге асуы – қала тұрғындарының өздеріне, олардың белсенділігіне байланысты.

 zhaikpress.kz

Суреттің дереккөзі: www.denetim.com

Узнайте первым о важных новостях Западного Казахстана на нашей странице
в Instagram и нашем Telegram - канале