Дәл қазір Оралда «Арманда» республикалық форумы өтіп жатыр.
Осы жылдың шілдесінде Астана қаласынан басталған форум қоғам қайраткерлерін, меценаттарды және дамушы жастарды бір мақсатқа біріктіріп отыр.
Форумда көпшілікке танымал айтыскер, ақын, тележүргізуші Жандарбек Бұлғақов, ҚР Еңбек сіңірген спорт шебері Ислам Байрамуков және медиаменеджер, қоғам қайраткері Арман Дәулетияров спикерлік етеді.
Халықаралық білім беру бизнес форумында танымал тұлғалар танымдық және мотивациялық идеяларын ортаға салды.
Ұйымдастырушылар «Арманда» білім, бизнес форумы тек арман туралы ғана емес мақсат, әрекет, қозғалыс, қуат, еңбек және нәтиже туралы шара екендігін айтады.
Айта өтейік, форум осыған дейін Астана, Қызылорда, Түркістан, Ақтөбе қалаларында өткен.
Жоспар бойынша жылдың аяғына дейін сегіз қала, келесі жылы 20 қалаға дейін бүкіл облыстың ірі қалаларында өтпек.
Гүлмира Сарсенғали,
Фотоға түсірген Диас Закбаев
«Жайық Пресс» ақпарат агенттігі
