Бүгін Атамекен өнер ордасында «Туған жерім – тұғырым» халық шығармашылығы фестивалі аясында ұйымдастырылған Бөрлі ауданы көркемөнерпаздарының «Мұнайлы Бөрлі мерекесі» атты концерті өтті.
Қара алтыны мен көгілдір алау өндіретін Қарашығанақ мұнай кенішімен әлемге әйгілі байтақ мекен, облысымыздың мақтанышы бөрліліктердің концертіне халық көп жиналды.
Шара барысында аудан қолөнер шеберлерінің көрмесі, аудан кәсіпкерлерінің жәрмеңкесі ұйымдастырылды.
Талай таланттың қанатын қатайтып, дарындыға рух берген қазыналы Бөрлі ауданы көркемөнерпаздарының мерекелік кешіне өнерпаздар тың дайындықпен келгені байқалады.
Гүлжамал Жолдығали,
zhaikpress.kz
