1.06.2021, 15:23
Оқылды: 606

Оралда Талғат Ғазизұлының өнер мектебі ашылды

Бүгін Қадыр Мырза Әлі атындағы облыстық мәдениет және өнер орталығында танымал балетмейстер, атақты хореограф-ұстаз Талғат Ғатауов атындағы өнер мектебі ашылды.

4

Карантин талаптарына сай өткен іс-шарада облыстық мәдениет басқармасының басшысы Сайран Дүйсенов, Ақтөбе қаласындағы «Әлия Гүлі» ансамблінің жетекшісі Шолпан Айнабекова салтанатқа жиналған қауымды аталған өнер мектебінің ашылуымен құттықтап, сөз сөйледі.

7

Өнер мектебінің ашылу салтанатында Қырғызстанда өткен халықаралық «Жеті өгіз жұлдыздары» конкурсының Гран При жүлдесіне ие болған Талғат Ғатауовтың «Ұшқыр махаббат» қойылымын Сұлтан Даутов, Камила Халелова сынды бишілер мәнеріне келтіре орындады.

8

Сондай-ақ «Салтанат» би ансамблінің орындауында қазақтың «Сый тарту» биі көрерменнің назарына ұсынылды.

Салтанатты іс-шара барысында Талғат Ғатауов атындағы өнер мектебінің тұсаукесер рәсімі өтіп, лентасы қиылды. Тұсаукесер рәсімі жасалған соң шараға қатысушылар өнер мектебінің бөлмесін тамашалады. Осы жерде хореограф-ұстаз Талғат Ғазизұлы сөз сөйлеп, осынау игілікті істің жүзеге асуына дәнекер болған облыстық мәдениет басқармасының әкімшілігіне алғысын жеткізді.

6

 

Мұғалім Өтей,

zhaikpress.kz

  

Толығырақ облыстық «Орал өңірі» газетінің алдағы санынан оқи аласыздар.

Узнайте первым о важных новостях Западного Казахстана на нашей странице
в Instagram и нашем Telegram - канале