Кеше Орал қалалық жастармен жұмыс жөніндегі ресурстық орталығының ұйымдастыруымен салауатты өмір салтын қалыптастыру мақсатында "Тәні саудың – жаны сау" атты әйел жамағаты арасында волейбол сайысы ұйымдастырылды.
Жарысқа әйел жамағаты белсене қатысып, өзара бақтарын сынады.
Қызықты да бәсекелі дода 4 команда арасында өтті. Нәтижесінде "Алға" командасының қыздары айқын басымдықпен оқ бойы озып шықты. Жүлделі II орыннан "Барыс" тобы көрінді. Ал үздік үштікті "Арыстан" тобы түйіндеді. Сондай-ақ ойын барысында "Жайық" тобының арулары белсенді ойын көрсетті.
Барша қатысушыларға арнайы сыйлықтар мен алғыс хаттар табыс етілді.
Спорттық додаға “Айсар” және спорттық тауарлар дүкендері арнайы сертификаттарын сыйға тартып, демеушілік жасады.
Ертай Бимұханов,
zhaikpress.kz
