Оралға Алматы облысынан техника келіп, су тасқынымен күресуге кірісті. Техникадан бірге көмекке мамандар мен жүргізушілер де келді.
–Бірнеше өңірді су басқаны белгілі. Мемлекет басшысының тапсырмасына сәйкес Алматы облысының әкімі Марат Сұлтанғазиев Батыс Қазақстан облысына көмек жолдауды тапсырды. Күш-жігерді біріктіре отырып, Кәсіпкерлер, кәсіпорындар, облыс тұрғындары, сондай-ақ өңір әкімдігі Орал қаласына 51 техника жіберді. Бүгін кешке тағы 20 бірлік техника келеді. Олардың ішінде экскаваторлар, су тасығыштар, ассенизаторлар, тиегіштер, тракторлар, Камаздар, самосвалдар, катапиллер, бульдозерлер, манипуляторлар мен қайықтар бар, – деді Алматы облысы жұмылдыру дайындығы басқармасының басшысы Ғалым Тоқпейісов.
Келгендердің арасында "Балқаш жолдары" ЖШС қызметкері Ерназ Сансызбаев та бар.
- Бізге көмектесу керек дегенде, мен ойланбастан келістім. Екі вагонмен 50-ге жуық адам келді. Біз бөгеттерді, жағалауды нығайту және басқа да жұмыстарды атқаратын боламыз. Су тасқыны аяқталғанша жұмыс істейміз, – деді Е. Сансызбаев.
Жәдігер Саламат,
Фото авторы: Замир Габдрахманов
