4.02.2022, 17:00
Оқылды: 166

Сириядағы қарулы қақтығыс: Бір түнде 6 бала қаза тапты

ЮНИСЕФ растаған мәліметтерге сәйкес, кеше түнде Сирияның солтүстік-батысында басталған зорлық-зомбылық салдарынан алты бала қаза тауып, тағы біреуі жарақат алды. Бұл туралы ҚазАқпарат БҰҰ жаңалықтар сайтына сілтеме жасап хабарлайды.

5

ЮНИСЕФ-тің Таяу Шығыс және Солтүстік Африка бойынша аймақтық директоры міндетін атқарушы Бертранд Бенвелдің айтуынша, өткен түнде Сирияның солтүстік-батысында, атап айтқанда шекаралас Атмех қаласында кең ауқымды қарулы қақтығыс болды. Келіп түскен мәліметтерге сәйкес, халық тығыз орналасқан аймақтарға зақым келген.

«Жыл басынан бері көмекке зәру 1,2 миллион бала тұратын солтүстік-батыс Идлиб провинциясы мен оның маңындағы аудандарда зорлық-зомбылық айтарлықтай өршіп кетті», - деді ЮНИСЕФ өкілі.

Сирияның осы бөлігіндегі көптеген отбасылар зорлық-зомбылықтан құтылу үшін аталған ауданға қоныс аударған көрінеді.

Узнайте первым о важных новостях Западного Казахстана на нашей странице
в Instagram и нашем Telegram - канале