Сырым ауданындағы Бұлан ауылдық округінің Жамбыл ауылының іргесінде «Тайлақ батыр» қорымы бар. Құлпытастары XVIII ғасырдан бері тұрған қорымды қоршау мәселесі тұрғындар тарапынан көтеріліп келген еді.
Бұлан ауылдық әкімшілігінің ұйымдастыруымен батыр баба ұрпақтары жиналып, «асарлатып» Тайлақ батырдың қорымын қоршады.
Орал, Ақсай қалаларынан, Подстепное, Жымпиты, Бұлан, Өленті, Талдыбұлақ, Тасқұдық, Аралтөбе ауылдарынан батыр ұрпақтары, Жамбыл ауылының тұрғындары өз еріктерімен жиналып, Құран оқытып, ас беріп, Тайлақ батыр қорымының қоршалуына өз үлестерін қосты. Бұл да ұрпақтардың батыр алдындағы перзенттік борыштарының өтелгендігі болмақ.
Әсия Аманбаева,
Бұлан ауылдық кітапханасының меңгерушісі
