Rail-news.kz сайтының хабарлауынша, «Қазақстан темір жолы» ҰК» АҚ (ҚТЖ) өндірістік пайдалануға «KTZ Cargo Reporting» отандық ақпараттық жүйесін енгізді.
Фото: rail-news.kz
Бұл цифрлық платформа жүк тасымалдарының деректерін өңдеу мен талдауға арналған. Осы жобаның арқасында компания 30 жылдан астам уақыт бойы пайдаланылып келген ескірген шетелдік бағдарламалық жасақтамадан (ЕКжСҚ жүйесінен) толығымен бас тартып, технологиялық тәуелсіздікке қол жеткізді.
Жаңа жүйе микросервистік сәулетке, орталықтандырылған деректер қоймасына ие және ҚТЖ-ның ішкі жүйелерімен толық интеграцияланған. «KTZ Cargo Reporting» платформасын енгізу деректерді өңдеуді жеделдетуге, аналитикалық есептерді дайындау уақытын қысқартуға және бизнес-процестерді автоматтандыруға мүмкіндік берді. Болашақта жүйеге интеллектуалды талдау құралдарын қосу жоспарланып отыр.
