Батыс Қазақстан облысы Теректі ауданы Аңқаты ауылында жауын-шашынның мол түсуі және дала аймағында еріген қардың суына байланысты 16 тұрғын үйге су кіріп, 8 аула аумағын су басты.
Бұл туралы БҚО төтенше жағдайлар департаментінің баспасөз қызметі хабарлады.
Қазіргі уақытта 27 тұрғын мектеп-интернат ғимаратына көшірілді.
Үй жануарлары қауіпсіз жерге шығарылған.
Оқиға орнында ТЖД-ның жеке құрамынан 21 адам, 4 бірлік техника, 2 мотопомпа және 1 қайық, сондай-ақ, жергілікті атқарушы органдардан 12 адам, 3 бірлік техника, полиция департаментінен 2 адам, 1 бірлік техника жұмылдырылған.
Оқиға басында ТЖД бастығының міндетін уақытша атқарушы полковник Руслан Қасыбаев бар.
Фото БҚО ТЖД баспасөз қызметінен,
zhaikpress.kz
