Биыл сәуір және мамыр айларында Ұлттық қауіпсіздік комитеті полициямен бірге, сонымен қатар прокуратура органдарымен әрекеттесе отырып, қарудың заңсыз айналымына қарсы іс-қимыл бойынша бірқатар жедел-іздестіру шарасын жүргізді. Оның ішінде «қаңтар» оқиғасы кезінде ұрланғандары да бар.
Бұл туралы ҚР ҰҚК баспасөз қызметі хабарлады.
Нәтижесінде 42 дана қару («МР-40» автоматы, «Драгунов» снайперлік винтовкасы, 22 мылтық, 18 тапанша), 8 гранат, РПГ-ның 2 снаряды, 4051 түрлі калибрлі оқ-дәрі, сонымен қатар броньды қорғаныс кеудешелер, автоматтардың оқжатарлары, радио байланыс құралы және пышақтар тәркіленді.
Бұл фактілер бойынша сотқа дейінгі тергеу жүргізіліп жатыр.
Заңсыз айналымда жүрген қару-жарақты іздестіру мен тәркілеу шаралары жалғасып жатыр.
