Биыл белгілі ірі ғалым, көсемсөз шебері, әдебиет зерттеушісі, дарынды ақын, аудармашы Ахмет Байтұрсынұлының туғанына - 150 жыл. Ахмет атам қазақ халқының сауатты болуына, хат тануына, оқу-білімге деген құштарлығының оянуына ықпал етті.
Жуырда біздің мектепте де ғалымның 150 жылдығына орай «Тіл ғұмыры – ұлт ғұмыры» атты апталық өтті. Ұлы тұлғаны таныту, мұраларын дәріптеу, туған тілді қадірлеуге жетелеу мақсатында қазақ, орыс, ағылшын тілдерінде ұстаздарымыз 5-11 сынып аралығындағы оқушыларға әртүрлі байқаулар, кездесулер, әдеби кеш, танымдық шаралар ұйымдастырды. Біз сыныптастарымызбен бірге барлық шараға қатысуға тырыстық. Сонымен қатар апталықтың жабылу салтанатында апталық аясында өткен іс-шараларға белсене қатысқан оқушылар дипломдармен марапатталды.
Әбдірахман Текебай,
№1 мектептің 6-сынып оқушысы,
Орал қаласы
22.02.2023, 17:35
3.02.2023, 12:16
2.02.2023, 10:45
1.02.2023, 12:02
