Заң жобаларын талқылауға атсалыссақ...

Газеттің №6 санында жарияланғанындай, қоғамда отбасылық зорлық-зомбылыққа қатысты жаңа заң жобасы қызу талқылануда. Ел-жұрттың бұл заң жобасының қашан дайындалып, Мәжілісте қай уақыттан қаралып жатқанынан бейхабар екені анық байқалды. Әсіресе, заң жобасының соңғы нұсқасының орнына бастапқы нұсқасының таралып кетуі, мәселенің ушығуына себеп болды. Бұл мәселеге мемлекет басшысы Қасым-Жомарт Кемелұлы Тоқаев та  назар аударып, пікірін білдірген еді.  

«Отбасылық-тұрмыстық зорлық-зомбылыққа қарсы іс-қимыл туралы заң жобасы қоғамда қызу талқыға түсуде. Бұл орынды. Өзекті мәселелер кеңінен талқылануы тиіс. Оның нормаларын мұқият қарап, барлық пікірді ескерген жөн. Басты міндетіміз – әйелдер мен балалар құқығын қорғау» деп жазған болатын ҚР Президенті twitter-дегі парақшасында.

Анығында былтырғы жылдың сәуірінен желтоқсан айына дейін осы заң жобасы бойынша арнайы құрылған жұмыс тобының 23 отырысы болған. Жоба Мәжіліс депутаттарының қыркүйек айындағы бірінші оқылымында бірқатар өзгерістер мен толықтырулар енгізіле отырып мақұлданған. Ал екінші оқылымы осы жылдың жаз айларына тағайындалған. Осы жағдайлардан хабарсыз көпшілік заң жобасының депутаттар тарапынан өзгертілген нұсқасын емес, бастапқы нұсқасын көріп, ондағы жекелеген нормалар қоғамда резонанс тудырды. Алайда сол нормалардың көпшілігі Мәжіліс отырысының бірінші оқылымында өзгеріске ұшыраған болатын. Оған мысал ретінде, заң жобасындағы алынып тасталған 5-баптың 11-бөлігін айтсақ болады. Осыған орай сіздерге заң жобасының Парламент қабырғасында қаралып жатқан қазіргі нұсқасының  бір  бөлігін  ұсынып  отырмыз.

Мақаланың толық нұсқасын "Орал өңірі" газетінің №8 санынан оқи аласыздар.

Абзал Құспан,

адвокат, «Заң және біз» арнайы  бетінің қоғамдық редакторы

(Соңы.  Басы газеттің №4,

15 қаңтар, №6, 22 қаңтар күнгі сандарында)