13.11.2023, 17:34
Оқылды: 58

Жәңгір хан университетіне оқушылар келді

Жәңгір хан атындағы Батыс Қазақстан аграрлық-техникалық университетінде дәстүрлі «Ашық есік күні» шарасы өтті.

IMG_5500

Бұл шараға қала мектептерінен бөлек Теректі, Тасқала, Бөрлі, Ақжайық, Сырым аудандарынан және колледждерден 300-дей оқушы келді.

Олар алдымен университет фойесінде жасақталған «Мамандықтар аллеясын» тамашалап, Жәңгір хан университетінде оқытылатын білім беру бағдарламалары туралы толық мағлұмат алды.

IMG_5585

Сонымен қатар университеттегі Әскери кафедраның жұмысымен танысып, дайындық бағытынан хабардар болды. Шара барысында оқушылар қабылдау комиссиясының қызметкерлерінен кеңес алып, оқуға қабылдау шарттарымен танысты.
«Ашық есік күні» шарасы университет білім алушылары дайындаған концерттік бағдарламамен жалғасты. Оқушылар интеллектуалды ойындарға қатысып, викториналық сұрақтарға жауап берді. Шара соңында белсенділік танытқан мектеп оқушыларына естелік сыйлықтар табысталды.
Алпыс жылдық тарихы бар Жәңгір хан университеті аграрлық, ветеринарлық, техникалық, экономикалық, қызмет көрсету, педагогикалық бағыттар бойынша мамандар даярлайды. Бүгінгі таңда университетте 4 мыңнан астам студент мэпен магистрант білім алуда.

БҚАТУ медиа орталығы

Узнайте первым о важных новостях Западного Казахстана на нашей странице
в Instagram и нашем Telegram - канале