Батыс Қазақстан облысында "Birgemiz. Bilim" жалпыұлттық жобасын «Жас қанат» жастар қоғамдық бірлестігі іске асыруда.
Жобаның негізгі мақсаты – ауылдық елді мекендердегі орта мектептердің жоғары сынып, оның ішінде халықтың әлеуметтік осал топтарының оқушыларына:
Атап айтқанда, ауылдық жерлерде орналасқан 1000-нан астам оқушылардың білім беру сапасын 100 волонтер арқылы арттыру жоспарлануда. Жоба аясында сараптамалық кеңес құрылып, кеңестің отырысы өтті.
Сараптамалық кеңес отырысында арнайы іріктелген волонтерлер шеберлік сағаттары мен семинар-тренингтардан өтіп, ауылдық елді мекендердегі орта мектептердің жоғары сынып оқушыларына волонтерлік қызмет көрсетуді бастап кетті. Бейіндік пәндер ретінде түлектер таңдаған мамандықтарға байланысты, олар АҚҚ, математика, физика, биология, химия, география, тарих, қазақ тілі және әдебиеті, оқу сауаттылығы, ағылшын пәндері бойынша білім алып жатыр.
Жалпы, БҚО "Birgemiz. Bilim" жалпыұлттық жобасы – волонтерлікке ынталандырып, халықтың азаматтық белсенділігін арттыруды көздейді. Осы тұста, жас ерекшелігі – 18 және одан жоғары, ҰБТ-ға дайындық, ағылшын тілін, оқушыларын компьютерлік және құқықтық сауаттылыққа оқыту, пәндік олимпиада мен ғылыми жобаларға дайындық бойынша еріктілердің ақысыз негізде көмек көрсету мүмкіндігі бар, волонтер болам деушілерді қатарымызға қосылуға шақырамыз.
«Жас қанат» жастар қоғамдық бірлестігі
