Бүгін облыс әкімі Ғали Есқалиев ҚР Еңбек сіңірген қайраткері, «Парасат» орденінің иегері, дәстүрлі әнші, жыршы-термеші Хатимолла Бердіғалиевті 70 жас мерейтойымен құттықтап, шапан жауып, алғысхат табыстады.
Өңір басшысы Хатимолла Жәңгірұлының шығармашылығы хақында аз-кем сөз қозғап, деніне саулық, отбасына амандық тіледі.
– Уақыт бөліп, құрмет көрсеткендеріңіз үшін мың алғыс. Көктеміміз көрікті, жазымыз жайлы, күзіміз жемісті болсын. Бұйырса, сәуір айында бір сағат отыз минутқа созылатын «Айман-Шолпан» лиро-эпостық жырымен Теректі ауданына және Елордаға бармақпыз. Жігіттердің жібергісі келмегеніне қарамай филармониядағы жұмысымды тапсырдым. Алайда, сахнадан кеткен жоқпын. Жетпіске келген шағымда әлденені жоспарлау да қиын. Дегенмен, өнерден қол үзбейміз, – деді Хатимолла Бердіғалиев.
Марлен Ғилымхан,
zhaikpress.kz
