Күннің күрт жылынуына байланысты облыс, аудан аумағы еріген қар суына толды. Көше, аула, тіпті үйдің ішіне су кірді деген хабарлар Ақсай қаласы әкімдігінің telegram каналына толассыз келіп жатыр.
Еріген қардың суынан бөлек, кешегі тоқтамастан жауған жаңбыр да қала, ауыл халқын әбігерге салды. Жаңбыр аулаларға жиналған судың деңгейін одан әрі көтерді.
Кешелі бері аудандық жастар ресурстық орталығының мамандары мен Ақсай техникалық колледжінің студенттері құрылыс қапшықтарын құмға толтырып, дайындау үстінде. Қазіргі уақытта 200-ден астам құмға толы қапшық дайын тұр. Жұмыс әлі жалғасып жатыр.
Айдана Абдрахманова,
Бөрлі ауданы
zhaikpress.kz
