Таяуда Ақтөбе қаласында «Таланттар әлемі» халықаралық шығармашылық байқау-фестивалі өткен еді. Еліміздің түкпір-түкпірінен жиналған өнер додасына Теректі аудандық мәдениет үйі жанынан құрылған халықтық «Дат» театры қатысты. Айталық, 13-15 жас аралығындағы жасөспірім «даттықтар» «Айна» психологиялық авторлық спектакльді қойған болатын.
Қалың көрерменнің көңілінен шыққан аталмыш қойылым сайып келгенде бас жүлдені жеңіп алды. Ал балалардың жетекшісі Ақниет Мақсотова жас ұрпақтың бойында өнерге деген қызығушылығын дамытудағы еңбегі үшін «Үздік ұстаз» аталымына ие болып, алғысқа кенелді.
Аудан абыройын асқақтатқан теректілік жас өнерпаздарға сәттілік тілейміз әмәнда!
Айшабибі Мәмет,
Теректі ауданы
zhaikpress.kz
