ҚР Президентінің кезектен тыс сайлауына Руслан Амангелдіұлы бастаған Казталов аудандық ауруханасының да ұжымы үн қосып, таңдау жасады. Ел абыройын асқақтатар, халықтың мерейін үстем қылар, қалың елін жарқын болашаққа бастайтұғын болашақ Президентке ақ халатты абзал жандар да сенім білдіріп отыр.
- Елімізде медицина саласы қарыштап дамып жатыр. Ауданымызда да бұл салада біраз жетістіктеріміз бар. Ал қазіргі таңда елдегі медицина саласы қандай болмақ деген заңды сауал бар. Әрине, ол бүгінгі таңдауымызға байланысты. Біз Президенттікке кандидаттардың сайлауалды бағдарламаларымен таныстық, өз таңдауымызды жасадық! Біздің таңдауымыз еліміздің жарқын болашағы! - деді Руслан Ахметжанов.
Казталов аудандық ауруханасына қарасты дәрігерлік амбулатория, фельдшерлік-амбулаториялық пункт, медициналық пункт қызметкерлері де өз сайлау учаскелерінде дауыс берді.
Асылбек Нәсіпқали,
Казталов ауданы
zhaikpress.kz
