Жәнібек ауданындағы Ақоба ауылдық округі әкімінің жыл сайынғы тұрғындар алдындағы есепті кездесуінде ұялы байланыс жүйесін орнату жөнінде мәселе көтеріліп жүретін.
Жергілікті халықтың да талап-тілегі осы болатын. Енді міне, аудан, облыс әкімдерінің жан-жақты қолдауының нәтижесінде бұл мәселе де шешімін таппақ. Олай дейтініміз, «Картел» ЖШС Ақоба ауылына келіп, биіктігі жиырма метрді, қамту радиусы он бес шақырымды құрайтын мұнара орнату жұмысына кірісіп те кетті. Көп кешікпей ақобалықтар да «Билайн» байланыс жүйесінің қызығын көппен бірдей көретін болады.
А.ЕСІРКЕПОВ
Жәнібек ауданы
