Ақсай қаласындағы Достық үйінде Отбасы күніне арналған «Берекелі шаңырақ – бақытты отбасы» атты тағылымды кездесу ұйымдастырылды.
Мекеме директоры Толқын Хадышеваның алғысөзімен басталған шарада әр жылдары отау құрған алты өнегелі отбасы көпшілікке таныстырылып, олардың өмір жолы мен отбасылық құндылықтары сөз болды.
Атап айтқанда, кеште жарты ғасырдан астам уақыт бірге келе жатқан 51 жылдық ғұмыры бар Қабаковтар мен Тоққожиевтер және 55 жыл отасқан Абдрахмановтар отбасы ерекше құрметке бөленді. Сондай-ақ 19 жылдық тәжірибесі бар Сұлтанғалиевтер, медицина саласында еңбек ететін 13 жылдық Омаровтар мен жас педиатрлар Таңатаровтар отбасы өздерінің отбасылық сырларымен бөлісті. Рухани мәні зор кеш соңында қатысушыларға сый-құрмет көрсетіліп, арнайы алғысхаттар тапсырылды.
Сәнім Меңдібай,
Бөрлі ауданы
