Жәнібек спорт клубында аудан әкімдігінің қолдауымен, аудандық мәдениет, тілдерді дамыту, дене шынықтыру және спорт бөлімінің ұйымдастыруымен «Alem CUP» футзалдан мекемелер арасында аудандық турнир басталды. Ту76рнирге «Мемлекеттік қызметшілер», «М.Ықсанов колледжі», «Құтқарушылар», «Полиция», «№1 мектеп-лицейі», «Т.Жароков мектебі», «Аудандық сот», «Мәдениет», «Шекара», «Бірлік» және Жәнібек спорт клубының командалары қатысып, сынға түседі.
Топтық кезеңде 11 команда төрт командадан тұратын үш топқа (A, Б, C) бөлінеді.
Турнирдің ашылу салтанатында аудан әкімі Азамат Сафималиев сөз сөйледі.
-Бүгінгі таңда жастарды спортқа баулу, салауатты өмір салтын насихаттау өте игілікті іс. Өйткені «Тәні саудың жаны сау» демекші, өскелең ұрпақтың спортты серік етуі өздеріне де, қоғамға да пайдалы. Осындай игі шараға демеушілік көрсетіп жүрген «Әлем» шаруа қожалығына алғысымды білдіремін, - деді ол.
Шара «Мемлекеттік қызметшілер» мен «№1 мектеп-лицейі» командаларының ойындарымен басталды. Турнир бір айға жуық уақыт аралығында өтеді.
Лаура Халина,
Жәнібек ауданы
zhaikpress.kz
31.05.2023, 20:04
31.05.2023, 16:45
30.05.2023, 18:12
29.05.2023, 17:45
