Шыңғырлау ауданында Халықаралық еріктілер күніне орай «AMANAT» партиясының Шыңғырлау аудандық филиалының қолдауымен, «Жастар Рухы» жастар қанаты волейболдан «AMANAT CUP» аудандық ашық турнир өткізді.
Ауқымды додаға барлығы 12 команда қатысып, қызықты ойын көрсетті. Таңда басталып, кешкі уақытқа дейін жалғасқан тартысты турнирдің нәтижесі бойынша «Шыңғырлау спорт клубы» командасы І, «Жастар ресурстық орталығы» командасы ІІ, «Алмаз ауылдық округі» командасы ІІІ орынды иеленді.
Жүлделі орындармен қатар, тамаша ойын көрсеткен ойыншыларға номинациялар табысталды. Ерболов Алтынбек «Үздік қорғаушы», Тұманбаев Қайырбек «Үздік байланыстырушы», Каракулов Нұрберген «Үздік шабуылшы», Тажимов Мирхан «Үздік ойыншы» аталымдарына ие болды.
Гүлжазира Асу,
Шыңғырлау ауданы
zhaikpress.kz
