Дәл осындай атауымен Бөкей ордасы ауданы, М.Мәметова атындағы орта мектебінде тәрбиелік шара өтті. Шараны ұйымдастырған аудандық ардагерлер қоғамдық бірлестігі. Кездесуге аудандық ардагерлер қоғамдық бірлестігінің төрағасы Тілеген Арыстанбеков, білім саласы ардагерлері қоғамдық бірлестігінің төрайымы Найла Нарбулова, ардагерлер кеңесі мен әжелер алқасының мүшелері қатысты.
Тағылымды шарада аға буын өкілдері ұлттық құндылықтар, қазақы ырым-тыйымдар туралы айтып, өздерінің өмірлік тәжірибесінен, оқыған кітаптарынан мысал келтіріп, өткеннен қалған өнегенің үлкен мектеп екенін жеткізе білді.
Жастар тарапынан қойылған сұрақтарға тұщымды жауаптар беріліп, өзара пікір алмасу алаңы қалыптасты.
Кездесу соңында қатысушылар ардагерлерге алғыстарын білдіріп, естелік суретке түсті.
Анар Артықбай,
Бөкей ордасы ауданы
