Бүгін Жәнібек ауданы орталығындағы «Жайлау» ат спорты кешенінде аудандық көкпар лигасының ашылу салтанаты өтті.
Жиынға аудан әкімінің орынбасары Асхат Молдағалиев қатысып, ұлттық спортты дәріптеп жүрген жас шабандоздарға сәттілік тіледі.
-Көкпарға білекті де жүректі жігіттер қатысады. Бүгінгі ойында бап пен бақ қатар шауып, биіктен көрініңдер. Тақымдарың тастай болсын палуандар, - деді.
Жүлделі додаға «Құт», «Береке», «Нарын ата», «Ұзынкөл», «Күйгенкөл», «Ақоба», «Жамағат» командалары қатысуда.
Аталмыш лигаға командалар отыз мың теңгеден жарна төлеп қатысуда. Көкпарға әр командадан 3 шабандоз шығады. Ойын төрт жұмаға созылады.
Б. Серіков
Жәнібек ауданы