Әр ауылдық округте білім ордасынан түлеп ұшқан түлектер ауылға сағына келіп қауышуы, талай жылды артқа тастап, ұстаздармен кездесуі көз қуантады. Казталов ауданына қарасты Көктерек ауылындағы Көктерек орта жалпы орта мектебінің түлектері де тарыдай болып аттап, таудай болып шыққан білім ордасына құрмет көрсетіп, туған ауылының көркейіп-көріктенуіне үлес қосуды дәстүрге айналдырған.
Яғни, Көктерек ауылының 2004 жылы мектеп бітірген 20 жылдық түлектер туған ауылындарына жаңа “Түлектер саябағы” қақпасын орнатты.
Ашылу салтанатында қатысқан Казталов аудандық “Айбын” спорт клубының директоры Асхат Талғатұлы және Көктерек ауылдық округінің әкімі Есенғалиев Бақытжан Сатқанұлы түлектерге ризашылықтарын білдіріп, алғысхат табыстады.
Жасыл-желекпен көмкерілген түлектер саябағы ауылдың ажарын аша түскендей.
Жұлдыз Асқар,
Казталов ауданы
