Оралда «Қазақстан барысының» облыстық кезеңі өтуде
7 Мамыр 2021

Оралда «Қазақстан барысының» облыстық кезеңі өтуде

Бүгінгінің батырлары сап түзеді
7 Мамыр 2021

Бүгінгінің батырлары сап түзеді

Депутат сыйы
7 Мамыр 2021

Депутат сыйы

Бәйтеректіктер Отан қорғаушылар күнін ерекше форматта мерекеледі
7 Мамыр 2021

Бәйтеректіктер Отан қорғаушылар күнін ерекше форматта мерекеледі

Мерекеде бөрліліктер баспаналы болды
7 Мамыр 2021

Мерекеде бөрліліктер баспаналы болды

Қырандай қырағы шекарашыларды құттықтады
7 Мамыр 2021

Қырандай қырағы шекарашыларды құттықтады

Бәйтеректе ақын Шөмішбай Сариевтің шығармашылығы ұлықталды

Бәйтерек ауданына қарасты Дариян ауылдық кітапханасы «Парасат жолы» кеңсесінің ұйымдастыруымен ауылдағы «Шабыт» коворкинг орталығында Қазақстанның еңбек сіңірген қайраткері, Франц Кафка атындағы халықаралық алтын медаль иегері, «Платина Тарлан», «Жыл адамы» сыйлықтарының лауреаты, филология ғылымдарының кандидаты, ақын Шөмішбай Сариевтің 75 жылдық мерейтойына арналған «Жырлары жүректі жырлаған» атты дөңгелек үстел өтті.

 шөмішбай (8)

Басқосуға Дариян ауылдық округінің әкімі Тілек Кәкенов, «Парасат жолы» орталығының мүшелері қатысты.

Шара барысында жиналғандарға ақын Шөмішбай Сариев туралы бейнекөрсетілім көрсетілді. Одан соң Дариян ауылдық кітапханасының меңгерушісі Шолпан Сұлтанғалиева қазақ әдебиеті тарихында ғана емес, өнер әлемінде де өзіндік орны бар ақынның жүріп өткен жолдары туралы толық ақпарат беріп өтті.

«Арна» аудандық әйелдер қоғамдық бірлестігінің төрағасы Рахиля Бабақожақызы, ауыл әкімі Тілек Кәкенов және шараға қатысқан басқа да қонақтар ақын жайында естеліктер мен оның өлеңдері туралы ойларымен бөлісті.

шөмішбай (1)

Көптеген адамның жастық шағы өтіп, сағыныштарына айналған Алматы қаласына арнап Шөмішбай Сариев 100 шақты өлең жазған. Солардың ішінде тыңдармандарының көңілінен шыққан әнші Бағдат Сәмединованың орындауындағы «Өзің куә, Алматым» әні әлі күнге дейін тыңдаушысын жалықтырған емес. Ал Қазақстанның халық әртісі Роза Рымбаеваның орындап жүрген «Заман-ай» әнін ақын ағамыз өзінің туған жеріне арнаған.

Ақын рухына арналған басқосудың соңында кітапхана меңгерушісі Шолпан Сұлтанғалиева оның кітаптарынан жасақталған «Қос қанатты ақын» атты көрмені таныстырды.

 

Гүлжан Аязбаева,

Бәйтерек ауданы

zhaikpress

Ұқсас жаңалықтар Басқа да жаңалықтар