Бөкей ордасы ауданы әкімінің өкімімен Асылан Жұмағалиұлы Бижанов тұрғын үй-коммуналдық шаруашылығы, жолаушылар көлігі және автомобиль жолдары бөлімінің басшысы болып тағайындалды.
Аудан әкімі Нұрлыбек Даумов жаңа басшыны ұжымға таныстырып, жауапты саладағы жұмысына сәттілік тіледі.
1992 жылы туған Асылан Бижанов – электроэнергетика және құқықтану мамандықтары бойынша жоғары білімді маман, отбасылы, екі бала тәрбиелеп отыр.
Еңбек жолын 2015 жылы аудандық ішкі істер бөлімінде маман болып бастаған. Кейін 2016-2017 жылдары Сайқын ауылдық округі әкімі аппаратында жетекші маман, 2017-2018 жылдары аудандық қорғаныс істері жөніндегі бөлімде инспектор, 2018-2024 жылдары аудандық ішкі саясат бөлімінің жетекші, бас маманы әрі бөлім басшысы лауазымдарын атқарды. Ал 2024-2026 жылдары аудан әкімі аппаратының ұйымдастыру-бақылау бөлімінде бас маман, 2026 жылдың ақпаны мен тамызы аралығында құжаттарды қамтамасыз ету және қаржы-шаруашылық бөлімінің басшысы қызметін атқарды.
Анар Артықбай,
Бөкей ордасы ауданы
