17.03.2024, 14:54
Оқылды: 26

Бөкей ордасы ауданы: жасөспірімдер асық атудан сынға түсті

Бөкей ордасы ауданына қарасты Ұялы ауылдық мәдениет үйінде «Мәдениет, ұлттық салт-дәстүр» күніне орай жасөспірімдер арасында бес асық ойыны ұйымдастырылды.

FB_IMG_1710596831210

Қазақтың баһадүр ұлы Бауыржан Момышұлы айтпақшы, «Асық ойыны – үлкен халықтық тәрбие. Ұлтымыздың дәстүрі мен мәдениетінің бастауы».

Асық – қазақтың ерте заманнан келе жатқан спорттық ойындарының бір түрі. Жолаушы адамның жолдан аман оралуына асық үйірген. Баласы ұл болса, бесігінің басына бөрінің асығын іледі. Бәле-жаладан аулақ, шымыр-қайратты болсын дегені екен.

Қыз болса, бесігіне еліктің асығын тағады.Сұлу, көрікті болып бойжетсін деп ырымдаған.

Келіні құрсақ көтергенде атасы мен әжесі ырымдап асық жинайды. Онысы ұл тілегені.

2017 ж ЮНЕСКО асықты қазақтық ұлттық ойыны ретінде адамзаттың материалды емес құндылығы тізіміне енгізілді. Бұл әрине қуантатын жайт, өзге ұлттық ойындарға қарағанда асық ату, бес асық ойыны қарқынды дамып келеді. Қазіргі жасөспірімдер асық ойнаса мидың жақсы жұмыс жасап, қолдың ептілігі дамиды, шапшаңдығын шыңдайды.

FB_IMG_1710596841985

Шараны Ұялы ауылдық мәдениет үйі директоры Т.Оразғұлов, «Орда спорт» клубының Ұялы ауылдық округі нұсқаушысы Ә.Омаров ойынның маңызын, тарихын әңгімелеп, қатысушыларға сәттілік тіледі.

FB_IMG_1710596859194

Мәдени қызметкер Әйгерім Бекқали балаларға ойын шартын түсіндірді. Бес асық ойынын тез меңгерген жасөспірімдер ойынға қызыға кірісті. Ойын соңынан тәттілер ұсынылып, би де биленді.

Анар Әнуар,

Бөкей ордасы ауданы

Узнайте первым о важных новостях Западного Казахстана на нашей странице
в Instagram и нашем Telegram - канале