Ұзынкөл су қоймасын қалпына келтіру маңызды
31 Шілде 2021

Ұзынкөл су қоймасын қалпына келтіру маңызды

Тегін көкөніс таратты
30 Шілде 2021

Тегін көкөніс таратты

Жаңа әкімдер таныстырылды
30 Шілде 2021

Жаңа әкімдер таныстырылды

Шикізат тапшы, жүктеме 20 пайыз
30 Шілде 2021

Шикізат тапшы, жүктеме 20 пайыз

Даулы баспананың дабырасы
29 Шілде 2021

Даулы баспананың дабырасы

Құс асырау да табыс көзі
29 Шілде 2021

Құс асырау да табыс көзі

Бөкей ордасында газетке арналған турнир өтті

Бөкей ордасына қарасты Ұялы ауылдық мәдениет үйінің ұжымы аудандық басылым «Орда жұлдызы» газетінің 90 жылдығына орай екінші мәрте шахматтан аймақтық турнир өткізді.

 газетке (2) (1)

Турнирге Орал қаласынан, Сайқын, Саралжын және Ұялы ауылдық округтерінен сегіз үміткер қатысты. Турнирдің ашылу салтанатында ауыл әкімі Ерлан Ермекқалиев:

- Ауыл тұрғындарының аудандық басылымға көзқарастары түзу. Жеке азаматтар да, мектеп ұжымы да кереғарлық танытпай, бірауыздан жазылады. Ауылымыздағы ең үлкен бірден бір ұжым Ш.Жексенбаев атындағы орта мектеп ұжымы бірден бір жылға тұтас жазылған. Бөкей жұртының жоғын түгендеп, жақсы ісін облыс, республика көлемінде сүйіншілеп отырған басылымға бірі кісідей жазылатын боламыз, - деді.

Ш.Жексенбаев атындағы орта мектебі директорының орынбасары Шынар Сабырова да осы пікірді қостап, мектептің мұғалімдері белсенді абонент болса, шәкірттерінің белсенді автор екенін айтып, ризашылығын білдірді.

Аудандық басылым редакторы Ұлпан Жакина ауыл әкімдігі мен мәдениет үйінің ұжымына жазылым науқанына елдің назарын аударып, арнайы шара өткізіп, демеуші тартып, үлкен қолдау көрсеткендері үшін алғысын білдірді. Демеушілік танытып, ауылдастарын аудан үнжариясына жазғызған Ақболат Меңдіғалиев пен Мейрамбек Мұхамжаровқа алғыс хаттар табыс етті.

газетке (1) (1)

Аймақтық турнир тартысты өтті.

- Майлықұл Баймұратов деген ағамыз кезінде шахматты мықты ойнап еді. Нан табары трактор болса да, шахматтың шаршы тақтасында ешкімге есе жібермеген керім ойыншы еді. Ауылдан алыс ұзамады. Ұлдары да әке көріп, оқ жонығандар. Жангелді, Есенгелді мен Жақсығұл шахмат десе ішер астарын жерге қоятындар. Жангелді осы ойын үшін Оралдан арнайы кеп отыр. Ғұбайдолла Тілешов ағамыз ауылымыздың бас гроссмейстері. Аға деп, үлкен деп бір-біріне жол бермесе, кім мықтыны анықтау қиын болады, - деген Сайлаубек Мұқтаровтың айтқаны айнымай келді. Өңкей мықтылар жиналған турнир жеті сағатқа жалғасты.

Бас жүлде Жангелді Жолдығалиевке бұйырса, Ғұбайдолла Тілешов ағамыз І орынды, Жақсығұл Баймұратов ІІ орынды еншіледі. Абзал Әбдешев пен Есенгелді Жолдығалиевтер ІІІ орынды бөлісті.

 

Анар Артықбай,

Бөкей ордасы ауданы

zhaikpress.kz

Ұқсас жаңалықтар Басқа да жаңалықтар