Бөкей ордасы ауданы әкімі Нұрлыбек Даумов аудандық ветеринариялық зертхана басшысы Светлана Сатыбалдиеваны қабылдап, құрмет көрсетті.
– Институт бітіріп, туған ауылыңызға кеп қызметке тұрдыңыз. Қарапайым маманнан басшы лауазымына дейін көтеріліп, осы басшылық қызметті абыроймен атқарып келдіңіз. Мал баққан ауылдың үлкенді-кішілі азаматтары сіздің еңбегіңізді біледі, құрметтейді. Қырыққа жуық жыл бір орында қызмет ету табандылықтың белгісі болса, зейнет жасына абыроймен жетудің өзі бір зор жетістік, - деп аудан басшысы Светлана Иданқызының иығына шапан жауып, алғысхат пен гүл шоғын табыстады.
Жиынға қатысқан сала басшылары да мерейжас иесіне ізгі тілектерін білдірді.
Шара соңында Светлана Сатыбалдиева да сөз алып, құрмет көрсетіп жатқан басшылыққа ризашылығын білдірді.
Анар Артықбай
Суретке түсірген Жарқынай Салимова
