15.03.2022, 11:45
Оқылды: 11

Депутаттар дастархан жайды

14 наурыз амал мерекесінде Бөкей ордасы аудандық мәслихат депутаттары ауылдың ақжаулықтылары мен ақсақалдарына арнап дастархан жайды. Игі шараға мәслихат депутаты Бибігүл Жұмағұлова демеушілік жасады. 

275908746_2815407748605649_2115735169848159456_n

Пандемиялық шектеулерге байланысты көптен бері бас қоспаған көпшілік қауым көптеп жиналып, арқа-жарқа болды.

275739401_2815407501939007_1513676031323056771_n

Аудан әкімі Нұрлыбек Даумов, шараны ұйымдастырушылар Лариса Қайырғалиева, Бибігүл Жұмағұловалар сөз алып, бүгінгі мейраммен құттықтады.

275699561_2815408085272282_4654931979477509721_n

Аға буын атынан сөз алған Сисен Шакиров, Зәуреш Әшеновалар:

- Алмағайып заманда тілеріміз елдің амандығы, жұрттың тыныштығы. Көптен көрмеген замандастарымызбен қауқылдасып, көңіліміз бір бірленіп қалды. Рақмет, - деп алғыстарын білдірді.

275615695_2815407538605670_1976780512256058903_n

Каримолла Ғайсин:

- 14 наурыз - ескі Жаңа жылымыз. Қыстан шыққан ағайын аман қауышып, реніш-өкпесін кешіріп, кіші үлкенге ізет көрсетіп, жер-дүние жаңарып, түлеген осы уақыт шынымен де табиғаттың тамаша кезеңі. Осындай халықтық сипатқа ие мейрам күні аға буынға дастархан жайып, құрмет көрсетіп, көрісіп, ұлттық дәстүрді ұлықтап жатқаныңызға рақмет. Ал қатарластарымызға айтарым ата дәстүрді жаңа буынға үйретіп, насихаттайтын біздер. Қазір мектеп көрмеген балалардың тілі орысша шығып, Абайдың емес, Пушкиннің тілінде шүлдірлеп жүр. Бұл біздің қателігіміз, салғырттығымыз. Осыны естен шығармайық, - деді.

275928280_2815407785272312_1154759313184366861_n (1)

Кеш барысында ән айтылып, аға-апаларымыз әннің әуеніне шыр айналып, вальс те биледі.

Ұлпан Әнуарқызы

Бөкей ордасы ауданы

 zhaikpress.kz

 

 

 

 

Узнайте первым о важных новостях Западного Казахстана на нашей странице
в Instagram и нашем Telegram - канале