Бөкей ордасы ауданының қайта құрылғанына елу жыл толған тойы аталып өтілді.
Бұл күн алыс-жақындағы ағайынмен табысып, арқа-жарқа болған мереке болды. Көптен көріспеген ауылдастардың қуанышы шараға ерекше жылылық сыйлағаны анық.
Алдымен шараға жиналған қауым Мәншүк Мәметованың, күйшілер аллеясындағы ақын-күйшілеріміздің ескерткіштеріне гүл шоқтарын қойып, тағзым етті.
Бұдан соң той қонақтары елу түп көшет отырғызды. Бұл бір елдің тойынан қалған жақсы бір тәбәрік болары анық.
Айтулы шарада қос кітаптың тұсауы кесілді. Нарын қасіретін тақырып еткен тарихшы ғалым Бақтылы Боранбаеваның "Капустин яр: қазақ депортациясы" кітабы мен Исатай Құрмашевтің "Құм Нарынның баласымын" атты поэзия жинағының таныстырылымы өтті. Бағдарлама салтанатты шараға жалғасты.
Ауданның әлеуметтік-экономикалық дамуына сүбелі үлес қосқан азаматтарына "Бөкей ордасы ауданының құрметті азаматы" атағы беріліп, мерекелік медальмен марапатталды.
Көршілес Жәнібек, Казталов аудандарынан келген делегация ордалықтарды ортақ тойымен құттықтап, тарту-таралғыларын табыстады.
Салтанатты шара аудан өнерпаздарының концертіне ұласты.
Ұлпан Әнуарқызы,
Бөкей ордасы ауданы
zhaikpress.kz
