9.05.2024, 15:30
Оқылды: 53

Қаратөбе ауданында Ұлы Жеңіс күні аталып өтті

Бүгін Қаратөбе ауданы орталығындағы Даңқ мемориалы басында Ұлы Жеңістің 79 жылдығы мерекесі аталып өтті.

9 мамыр (6)

Мәңгілік алау басында аудан әкімдігі мамандары мен ардагерлер және мекеме басшылары мен қызметкерлер сап түзеп, туған жеріне оралмаған жерлес жауынгерлерді бір минут үнсіздікпен еске алды.

9 мамыр (1)

Жанқиярлықпен майдан даласында жаумен шайқасқан жерлес жауынгерлердің ерлігі ешқашан ұмытылмайды. Жеңісті жақындатуда тыл ардагерлерінің ерен еңбектері ерекше зор болды. Ұлы Отан соғысындағы Жеңіс тарихта мәңгі қалды.

9 мамыр (4)

Соғыс ардагерлерінің ерліктері мен ерен еңбектері келешек ұрпаққа өнеге. Ұлы Жеңіс күні – айрықша маңызға ие айтулы мереке.

Салтанатты шараға аудан әкімі Қадыржан Сүйеуғалиев, интернационалист жауынгер Ерболат Иманғалиев, соғыс ардагерлерінің ұрпақтары қатысты.

9 мамыр (5)

Салтанатты шараға қатысушылар Мәңгілік алау басында естелік суретке түсті.

Серікбай Хасанов, 

Қаратөбе ауданы 

zhaikpress.kz

 

 

 

Узнайте первым о важных новостях Западного Казахстана на нашей странице
в Instagram и нашем Telegram - канале