Қазақстан Республикасының Тұңғыш Президенті Нұрсұлтан Назарбаев пен "Nur Otan" партиясының бастамасымен ұйымдастырылып отырған республикалық "BIZ BIRGEMIZ" акциясы Батыс Қазақстан облысында да сәтті жалғасуда.
Казталов ауданына қарасты Талдыапан ауылдық округі аумағындағы Казталов-Жалпақтал-Ақжайық тас жолындағы санитарлық блокбекетте белсенді еңбек етіп жатқан полиция, аурухана, әкімшілік қызметкерлерін тәулік бойы ыстық тағаммен қамтамасыз етуді ұйымдастыру бастамасы ауыл тұрғындары арасында кеңінен қолдау табуда. Оған жергілікті жердегі Жалпақтал, Талдыапан әкімдіктері мен Жалпақтал полиция бөлімінің жеке құрамы мейлінше атсалысып, қолдау көрсетіп келеді.
Ел игілігі жолында уақытпен санаспай, тынымсыз еңбек етіп жатқан ауылдастарының өлшеусіз еңбегіне жеке бастамаларымен үлес қосып, біркүндік ыстық тағаммен қамтамасыз етуді қолға алғандардың қатарында Жалпақтал ауылының жеке кәсіпкері Аманжол Хайруллин мен Батыс Қазақстан аграрлық-техникалық университетінің өсімдік қорғау және карантин мамандығы факультетінің 3-курс студенті, талдыапандық Арайлым Қожабаева да бар.
Қыдыр Харесұлы
Казталов ауданы
zhaikpress.kz
