Казталов ауданы бойынша жүзеге асырылып жатқан түлектер тартуына үн қосқан көктеректік түлектер «Туған жерді көркейту ел алдындағы, қоғам алдындағы борышымыз. Мен еліме не бере аламын?» - деп жылда өз қаражаттары есебінен жаңа дүниелер жасап, сүбелі үлестерін қосып жүргендерінен барша аудан тұрғындары толықтай хабардар.
Жалпақтал ауылы түлектерінің бастамасымен жүзеге асып, бүкіл аудан көлеміне кеңінен тараған осы үрдісті жалғастыра білген 1995 жылғы көктеректік түлектер 7 мамыр — Отан қорғаушылар күніне орай «Түлектер саябағына» келушілерге арналған «Ратонда» нысанын тарту етті.
Тарту етілген нысанның ашылу салтанатында округ әкімі Бақытжан Есенғалиев отаншыл түлектерге Алғыс хат табыс етсе, аудандық мәслихат депутаты Серікбол Қадемов құттықтау сөз сөйледі.
Елім деген азаматтары бар әр ауылдың болашағы жарқын, абзал азаматтары аман болсын!.
Қыдыр Харесұлы,
Казталов ауданы
