14 наурыз - Көрісу күнін Батыс Қазақстан өңірі асыға күтеді. Бұл күні Шыңғырлау тұрғындары ерте тұрып жасы үлкендерге келіп көрісіп, батасын алады. Амал күні өкпе-реніш кешіріліп, араздық ұмытылады. Үлкен кіші көрісе отырып, бір-біріне «Бір жасыңмен», «Жасың құтты болсын» деген тілектерін арнайды.
Жасы үлкендерге ізет көрсетіліп, ілтипат білдіретін бұл мерекеге орай аудандық мәдениет үйінде «Амал келді, жыл келді» атты мерекелік шара ұйымдастырылды. Шараға аудан әкімі Ә.Мұханбетжанова қатысып, Көрісу күнімен құттықтап, береке-бірлік, әр отбасына амандық, еңбектеріне табыс тіледі. Шарада бас қосқан ауыл ақсақалдары мен әжелерге наурыз көже ұсынылып, ұлттық тағамға толы дастарханнан ауыз тигізілді.
Мерекелік шарада мәдениет қызметкерлерінің әзірлеген қойылымы көрсетіліп, концерттік бағдарламаға ұласты.
Б.Баймағамбетова,
Шыңғырлау ауданы
zhaikpress.kz
