Бүгін Бөкей Ордасы ауданы, Хан Ордасы ауылында бокстан жасөспірімдер арасында Жәнібек ауданы мен Бөкей Ордасының жолдастық кездесуі өтті.
Аудан көлемінде бокс спорт түрін кеңінен дамыту, салауатты өмір салтын насихаттау басты мақсатында өткен жарыс халықаралық IBA ережелеріне сәйкес өткізіліп, 2008-2011 жылдар арасындағы жас боксшылар 28 - 58 келі салмақ дәрежесінде жұдырық түйістірді.
Жүлделі І орынды Эльдар Сағынғали , Әділет Наушабай, Нұржан Тілекқабыл, Әлихан Наушабай иеленді.
Жүлделі ІІ орынды Айбар Жайсанғали, Ерқанат Тілекқабыл, Бекназ Қалидолла, Аңсар Қамалов еншіледі.
Ал жүлделі ІІІ орын Мерейхан Хамит пен Исламәли Ғафуға бұйырды.
Жалпы командалық есепте Жәнібек ауданының боксшылары оқ бойы озық шықты. Жүлдегер спортшылар Бөкей Ордасы ауданы балалар-жасөспірімдер спорт мектебінің арнайы дипломдарымен, медальдарымен марапатталды.
Ақтілек Әлібекұлы,
Жәнібек ауданы
zhaikpress.kz
31.05.2023, 20:04
31.05.2023, 16:45
30.05.2023, 18:12
29.05.2023, 17:45
