Алматы қаласындағы «Талантты жастар» продюсерлік орталығының ұйымдастыруымен Елбасының «Болашаққа бағдар: рухани жаңғыру» бағдарламасы аясында «Қош келдің, көктем!» атты республикалық өнер-білім байқауы өтті.
Аталмыш сайысқа Бәйтерек ауданы Дариян ауылдық мәдениет үйі жанынан ашылған «Ұлағат» театрының жас әртістері де қатысып, тамаша нәтижеге қол жеткізді.
Байқаудың «Жас ақын» номинациясында бақ сынаған Мақсат Базарбаев пен «Көркем сөз» аталымында өнер көрсеткен Мәдина Ибрагим бас жүлдені иеленді. Сонымен қатар «Әзіл-сықақ» номинациясында бақ сынаған Мария Погосова мен София Бялт бірінші орын жеңімпазы атанды.
Жемпаздар мен бас жүлде иегерлерін байқау ұйымдастырушылары мақтау қағаз және бағалы сыйлықтармен марапаттады.
Республикалық байқауға шәкірттерін дайындап, олардың рухани дамуына, ішкі мәдениеті мен білімін шыңдауға бағыт беріп қоймай, еңбексүйгіштікке, жауапкершілікке тәрбиелеп жүрген ұстаз, үйірме жетекшісі Асылай Көпжанова да ұйымдастырушылар тарапынан сертификатқа ие болды.
Гүлжан Аязбаева,
Бәйтерек ауданы
zhaikpress.kz
