Бүгін Шыңғырлау ауданына жұмыс сапарымен Батыс Қазақстан облысы әкімінің бірінші орынбасары Ержан Балтаев келді.
Ең алдымен Ержан Талғатұлы Амангелді ауылында орналасқан "Аруман" жеке кәсіпкерлігінің жылыжай жұмысымен танысып, кәсіпкер Ілияс Хайрушинмен жүздесті. Ұзындығы 100 метр болатын екі жылыжайдың иесі болашақта әлі де көлемін үйкейтуге, өсіретін көкеністертің қатарын көбейту бағытында жұмыстынып жатқанын жеткізді.
Одан кейін облыс әкімінің орынбасары көктемгі далалық жұмыстардың барысымен танысу мақсатында бірқатар шаруашылық құрылымдарын аралап, егіс науқанының барысымен танысты.
Атап айтқанда "Жарас" шаруа қожалығының және "Амангелді-Арго" жауапкершілігі шектеулі серіктестігінің басшыларымен кездесіп, егілген жердің көлемін, ауыл шаруашылығы техникаларының жағдайын қарап, жауапты мекеме және шаруашылық құрылымдары басшыларына егіс науқанын жоспарға сәйкес уақытылы жұмыстарды жүргізу бойынша тапсырмалар берді. Ержан Талғатұлының ауданымыздағы жұмыс сапары Ақбұлақ ауылдық округінің Қотантал ауылындағы "ErQanat Group" жауакершілігі шектеулі серіктестігінің және аудан орталығында "Ауыл Аманаты" бағдарламасы аясында егілген бақша жұмысымен жалғасты.
Сонымен қатар, Шыңғырлау ауданы әкімі аппаратының үлкен мәжіліс залында «Ауыл Аманаты» бағдарламасы аясындағы несие алуға ниет білдірген жандармен кездесті. Аудан әкімі Мұрат Өмірәлиевтың төрағалығымен өткен басқосуда облыстан келген басқарма мамандары ауыл тұрғындарының сұрақтарына орай толық мағлұмат берді.
Жұмыс сапарының соңында Ержан Балтаев Шыңғырлау ауылындағы «Ауыл Аманаты» бағдарламасы аясында құрылған «Chingirlau-Мilk» АШӨК-не сенімгерлік басқаруға беруге жоспарланған нысандармен танысып, АШӨК төрағасына осы бағыттағы жұмыстарды іске асыру барысында сәттілік тіледі.
Аман Ізмұхан,
Шыңғырлау ауданы
zhaikpress.kz
