Облыс әкімі Ғали Есқалиев жұмыс сапарымен Бөкей ордасына келіп, аудан тұрғындарымен кездесті. Өңір басшысы сапарын республикалық маңызы бар Өнеге-Бисен-Сайқын тас жол құрылысының басынан бастап, құрылыс барысына жауапты мердігерлермен кездесіп, жұмыс барысымен танысты.
Тұрғындар тарапынан қойылған сұрақтарға жауап берген өңір басшысы мердігерлерге сөгіс жариялап, тапсырма берді.
Сапар Бисен ауылдық округі тұрғындарымен кездесуінде жалғасын тапты.
Отырыс барысында аудан әкімі Нұрлыбек Даумов ауданның жалпы жағдайымен таныстырды. Бисендіктер өздерін мазалаған мәселелерін облыс әкімінің назарына ұсынды. Ауыл азаматтары жол, құм көшуі, электр бағаналардың тозуы және т.б мәселелерді көтерді.
Ғали Есқалиев тек сұрақтарға жауап берумен шектелмей, жергілікті тұрғындарды жеке мәселе бойынша да қабылдады.
Сонымен қатар облыс әкімі сапар барысында “Пахман” ШҚ алма бағымен және “Ораз” ШҚ жағдайымен танысты.
Еркебұлан Рахметолла,
Бөкей ордасы ауданы
zhaikpress.kz
4.02.2023, 16:36
24.11.2022, 18:29
31.10.2022, 17:27
14.10.2022, 19:12
