Теректі ауданы әкімі Әлия Муханбетжанова жұмыс сапарымен Подстепный ауылында болды.
Аудан басшысы округте күні кеше өткен сайлаудың нәтижесі туралы айтып, Подстепный ауылдық округінің жаңа әкімі Мейірбек Сұлтановты ұжымға таныстырды.
Теректі аудандық аумақтық сайлау комиссиясының төрағасы Арсен Бисенғалиев сайлаудың нәтижесіне кеңірек тоқталып, Мейірбек Ақылбекұлына куәлік табыстады.
Мейірбек Сұлтанов Подстепный үшін бөтен адам емес.
2012 жылдан бастап 2019 жылға дейін Подстепныйда бас маман, округ әкімі орынбасары болып қызмет атқарған. Теректідегі Шалқар ауылдық округінде әкім болған.
2021 жылдың қазан айынан күні бүгінге дейін Теректі аудандық кәсіпкерлік және ауыл шаруашылығы бөлімінің басшысы қызметін абыроймен атқарды.
Жиын барысында жаңа әкімге округтің аналар кеңесі және қоғамдық кеңес мүшелері сенім білдіріп, сәттілік тіледі.
Әділет Орынбасар,
Теректі ауданы
zhaikpress.kz
2.10.2023, 14:30
2.10.2023, 10:30
28.09.2023, 16:15
27.09.2023, 15:30
