Подстепный ауылында пікірсайыс турнирі өтті

Теректі ауданына қарасты Подстепный ауылында  «Қазақстан бүгін және болашақта» атты британдық парламент форматында пікірсайыс турнирі ұйымдастырылды.

Аталмыш шара Теректі аудандық ішкі саясат бөлімінің тапсырысы бойынша «АСАР-ОРАЛ» жеке қоры мен Теректі колледжі «Ақиқат» дебат клубының ұйытқы болуымен өткенін айта кеткен жөн.

Қатысушылар қатарында Подстепный ауылдық округі әкімінің аппараты, БҚО дарынды балаларға арналған Абай атындағы мамандандырылған мектеп-гимназия-интернаты, «Бәйтерек» бөбекжайы, Теректі колледжі жас мамандары және студенттері мен қоғамның белсенді жастары болды.

Қоғамдағы сыбайлас жемқорлыққа қарсы тақырып аясында өрбіген пікірталас қос кезеңнен құралды. Тінін тарқатсақ, іріктеу бөлімінен өткен 4 фракция, яғни Абай атындағы мамандандырылған мектеп-гимназия-интернаты «89», «Алаш», қоғамның белсенді жастары «Бірлік» пен Теректі колледжі «Достық» фракциялары финалда бақ сынады.

Сайып келгенде, «Достық» фракциясы I дәрежелі, «89» фракциясы II дәрежелі, «Алаш» фракциясы  III дәрежелі дипломмен марапатталды. Жеңімпаз топтарға power bank, bluetooth-колонка, сымсыз құлаққаптар сынды сыйлықтар берілді.

Ал «Бірлік» фракциясы «Үздік талпыныс» аталымын еншіледі.

Самал Жамет

Теректі ауданы