Сырым ауданында ҚР Конституциясына өзгерістер мен толықтырулар енгізу үшін өтетін жалпыхалықтық референдумды түсіндіру штабтарының тұрғындармен кездесулері басталды.
Осы аптада қоғамдық штабтың төрағасы Сыдық Тәжмұқан және аудандық мәслихат хатшысы, "Amanat" партиясы Сырым аудандық филиалы жанындағы штаб мүшесі Шынар Дүйсенғалиева Сарой, Жетікөл ауылдық округтеріндегі ел - жұртпен жүздесіп, ауыл халқын саяси науқанға белсенді араласуға шақырды. Өйткені "Жаңа Қазақстан" - халықтық толқыныстан, елдік ұсыныстан туған үдеріс. Ал референдум - сол үдерістің басы.
Округтегі зиялы қауым өкілдері, еңбекшілер де заңға енгізілетін өзгерістер мен толықтырулардың елдің игілігі үшін екендігін айтуда.
Бауыржан Ширмединұлы,
Сырым ауданы
zhaikpress.kz