Кеше Сырым саябағында Балалар жылына орай "Туған жерім асқарлысың айбынды" атты мәдени шара өтті.
Шараға келген балаларға мәдениет қызметкерлері түрлі кейіпкерлер кейпінде көңілді ойындар ойнатып, ақындардың өлеңдерін жатқа айтқызып, естелік сыйлықтар табыс етті.
- Балалар жылында ғана емес күнделікті өмірде саналы ұрпағымыз болғанын қаласақ, олардың тек білімді емес, бос уақытын да тиімді өткізулерін басты назарда ұстауымыз керек. Аталмыш шаралар әр сенбі сайын өтетін болады, - деді өз сөзінде аудан әкімінің орынбасары Асланбек Сарқұлов.
Аудандық мәдениет үйінің көркемөнерпаздары әсем әндерін әуелетсе, биші қыздар мың бұрала биледі.
А.Бауыржанқызы,
Сырым ауданы,
zhaikpress.kz